ახალი ამბები
ჩხოროწყუს მუნიციპალიტეტის სოფელ ლესიჭინეში მოსახლეობას უფასო გამოკვლევები უტარდება
![](/res/images/images/2015042514551945403.jpg)
ჩხოროწყუს გამგეობის და საკრებულოს ინიციატივით ორგანიზაცია „საქართველო დევნილთა მხარდაჭერისთვის“ ჩხოროწყუს მუნიციპალიტეტის სოფელ ლესიჭინეს სკოლაში ადგილობრივებს უფასო სამედიცინო გამოკვლევებს უტარებს. გამოკვლევების პროცესი სამეგრელო-ზემო სავნეთის გუბრენატორის პირველმა მოადგილემ კობა ქანთარიამ და ადგილობრივი ხელისუფლების წარმომადგენლებმა დაათვალიერეს. ვიცე-გუბერნატორმა აქციის ორგანიზატორებს და ექიმებს მადლობა გადაუხადა და შემდეგი გამოკვლევების დაგეგმვა-ორგანიზებაში დახმარება აღუთქვა.
სამედიცინო ჯგუფში, ყველა სამედიცინო პროფილის 26 მაღალკვალიფიციური ექიმი შედის. გამოკვლევები უკვე ჩაუტარდა 200-ზე მეტ ადგილობრივს, დღის ბოლომდე კი 1000-მდე პაციენტის მიღება იგეგმება. გარდა გამოკვლევებისა მოსახლეობას უფასო მედიკამენტებით უზრუნველყოფენ, სოციალურად დაუცველ ბავშვებს კი ჰუმანიტარული დახმარება ეძლევათ, რომელთა შორისაა ბავშვთა საკვები, მოვლის საშუალებები, სათამაშოები და ტანსაცმელი.
სამეგრელო-ზემო სავნეთის გუბერნატორის პირველი მოადგილის განცხადებით, უკვე დაგეგმილია მსგავსი სამედიცინო აქცია ჩხოროწყუს მუნიციპალიტეტის სოფელ ხაბუმეში. კობა ქანთარიას განმარტებით, სამედიცინო გამოკვლევები სხვა მუნიციპალიტეტებშიც ჩატარდება.
![](/crop.img?src=themes%2Fimages%2Fno_image.png&crop=1.6:1&dimension=280x170)
![](/crop.img?src=themes%2Fimages%2Fno_image.png&crop=1.6:1&dimension=280x170)
![](/crop.img?src=themes%2Fimages%2Fno_image.png&crop=1.6:1&dimension=280x170)
![](/crop.img?src=themes%2Fimages%2Fno_image.png&crop=1.6:1&dimension=280x170)