ახალი ამბები
პოლონეთის სოლიდარობის ფონდის საჩუქარი ზუგდიდის მუნიციპალიტეტს
პოლონეთის სოლიდარობის ფონდმა, კორონავირუსის წინააღმდეგ, პრევენციული აქტივობების ფარგლებში, ზუგდიდის მერიას სადეზინფექციო ხსნარები, ხელის ანტისეპტიკები, შესაწამლი მანქანები და მრავალჯერადი გამოყენების მაღალი პირბადეები გადასცა.
ღონისძიებას სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, ზუგდიდის მერი გიორგი შენგელია და საკრებულოს თავმჯდომარე მამუკა წოწერია დაესწრნენ. სოციალური აქტივობისთვის გრანტი პოლონეთის საგარეო საქმეთა სამინისტრომ გამოყო. აღსანიშნავია, რომ პოლონური მხარე ამ დრომდეც სხვადასხვა მიმართულებით აქტიურად თანამშრომლობდა რეგიონის მუნიციპალიტეტებთან.
სახელმწიფო რწმუნებულმა პოლონურ მხარეს ხელისუფლების სახელით მადლობა გადაუხადა და აღნიშნა რომ მსოფლიოში შექმნილი ვითარებისა და გლობალური გამოწვევის ფონზე მათი მხარდაჭერა განსაკუთრებულად მნიშვნელოვანია.
