ახალი ამბები
გუბერნატორმა ლევან შონიამ ჟურნალისტებს პროფესიული დღე მიულოცა
სამეგრელო-ზემო სვანეთის მხარეში სახელმწიფო რწმუნებულმა - გუბერნატორმა ლევან შონიამ ქართული ჟურნალისტიკის დღე ჟურნალისტებს მიულოცა. გუბერნატორმა ჟურნალისტები, პირველ მოადგილე კობა ქანთარიასთან, ქალაქ ზუგდიდის საკრებულოს თავმჯდომარე მერაბ ქვარაიასთან და ქალაქის მერ ირაკლი გოგოხიასთან ერთად მიიღო.
ლევან შონიამ ჟურნალისტებს განუცხადა, რომ მათ დემოკრატიული სახელმწიფოს შენებსა და ჩამოყალიბების პროცესში უმნიშვნელოვანესი როლი ეკისრებათ. გუბერნატორმა მედიის წარმომადგენლებს მუდმივად თავისუფალ და კონკურენტულ გარემოში მუშაობა უსურვა.
სადღესასწაულო ტორტი სიმბოლურად ყველაზე მხოცანმა ჟურნალისტმა კლარა ფაჩუაშვილმა და ყველაზე ახალგაზრდა ჟურნალისტმა ლევან სულაშვილმა გაჭრეს. გუბერნატორმა ადმინისტრაციის სახელით ჟურნალისტებს სიმბოლურ საჩუქრები გადასცა.
ჟურნალისტთა დღის აღნიშვნა საბიუჯეტო სახსრებით არ მომხდარა და მიღება გუბერნატორისა და მისი მოადგილეების პრადი ხარჯებით გაიმართა.
