ახალი ამბები
გუბერნატორმა ლევან შონიამ მესტიაში გასვლითი სხდომა ჩაატარა
სამეგრელო-ზემო სვაენთის მხარეში-სახელმწიფო რწმუნებულმა რეგიონში შემავალი მუნიციპალიტეტების მერებთან, გამგებლებთან და საკრებულოს თავმჯდომარეებთან გასვლითი თათბირი მესტიაში ჩაატარა. განხილვის თემა ტურისტული სეზონისთვის მზადება და მიმდინარე პროექტების ანგარიში იყო. როგორც შეხვედრაზე გაირკვა ტურისტულ სეზონს სამეგრელო-ზემო სვანეთში არსებული მუნიციპალიტეტები მზად ხვდებიან.
გუბერნატორმა ლევან შონიამ შეხვედრაზე განაცხადა, რომ წელსვე მარტვილის კანიონში ტურისტული ინფრასტრუქტურის მოწყობა დაიწყება, ფოთში მალთაყვის საზღვაო ზოლის მშენებლობა და სვანეთში სამთო-სათხილამურო კურორტ თეთნულდის გახსნა მოხდება. ასევე დაგეგმილია ზუგდიდის შემოსასვლელთან ტურისტული კომპლექსის მშენებლობა. გუბერნატორისვე განცხადებით წელს ანაკლიაში ფესტივალი ჩატარდება, რომელიც კურორტის ტურისტებით დატვირთვას ხელს შეუწყობს.
სამეგრელო-ზემო სვანეთის გუბერნატორი ლევან შონია შეხვედრის დასრულების შემდეგ სვანეთის ეთნოგრაფიული მუზეუმის საკონფერენციო დარბაზში ლიდერთა კლუბის წევრებს შეხვდა და მათ შეკითხვებს უპასუხა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
