შეხვედრები ხუნწში, ნახუნაოში, სერგიეთსა და აბედათში

ხელისუფლების წარმომადგენლებმა პროექტ „ღია შეხვედრებს“ ფარგლებში მარტვილის მუნიციპალიტეტში მოსახლეობასთან შეხვედრები გამართეს.

სამეგრელო–ზემო სვანეთში სახელმწიფო რწმუნებულის მოადგილე ლუდუკ (ნუკრი) ხასია, მარტვილის მუნიციპალიტეტის მერი ალექსანდრე გრიგალავა, პარლამენტის წევრი ლევან მგალობლიშვილი და ადგილობრივი ხელისუფლების წარმომადგენლები ხუნწის, ნახუნაოს, სერგიეთის და აბედათის ადმინისტრაციულ ერთეულებში მცხოვრებლებს შეხვდნენ.

 ხელისუფლების წარმომადგენლები მათ პრობლემებს ადგილზე გაეცნენ და ისაუბრეს მუნიციპალიტეტში მიმდინარე და დაგეგმილი ინფრასტრუქტურული პროექტების შესახებ. ასევე საუბარი შეეხო სოფლის მეურნეობის პროექტებს და სოფლის მხარდაჭერის პროგრამას.

 ადგილობრივებმა სამთავრობო გუნდთან შეხვედრისას, მათთვის აქტუალურ თემებზე ისაუბრეს და ის საჭიროებები გააცნეს რაც მათ აქვთ. შეხვედრებზე გამოკვეთილ პრიორიტეტულ საკითხთა შორისაა შიდა გზების რეაბილიტაცია, სოფლების გაზიფიცირება, წყალმომარაგებით უზრუნველყოფა და საბავშვო ბაღების რეაბილიტაცია.

 მოსახლეობასთან შეხვედრები ყველა ადმინისტრაციულ ერთეულში გაიმართება