ახალი ამბები
შეხვედრები აბაშის სოფლებში - კეთილარში, გულეიკარში, ნაესაკოვოსა და კოდორში
2019-10-09 18:57:00
პროექტ „ღია შეხვედრების“ ფარგლებში, აბაშის სოფლებში კეთილარში, გულეიკარში, ნაესაკოვოსა და კოდორში შეხვედრები გაიმართა. არსებულ პრობლემებსა და საჭიროებებზე ადგილობრივებისგან ინფორმაცია, სამეგრელო-ზემო სვანეთის სახელმწიფო რწმუნებულის მოადგილემ ლუდუკ ხასიამ, პარლამენტის წევრმა ლევან მგალობლიშვილმა, აბაშის მერმა ლევან მაკალათიამ და საკრებულოს თავმჯდომარემ მამუკა კვიტაშვილმა მიიღეს.
შეხვედრაზე მოსახლეობამ ძირითად პრიორიტეტებად გამოკვეთა გაზიფიცირების, გარე განათების, შიდა გზების და საყანე ფართობებთან მისასვლელი გზების რეაბილიტაცია.
ხელისუფლების წარმომადგენლებმა არსებული პრობლემების გაცნობის შემდეგ, ინფრასტრუქტურის და სოფლის მეურნეობის მიმართულებით განხორციელებულ და დაგეგმილ პროექტებზეც გაამახვილეს ყურადღება.
ცენტრალური და ადგილობრივი ხელისუფლების წარმომადგენლების შეხვედრები მოსახლეობასთან სხვადასხვა მუნიციპალიტეტებში აქტიურად მიმდინარეობს. შეხვედრებზე დასახელებული პრობლემების მოგვარებისთვის მაქსიმალურად მოხდება მათი მომავალი წლის ბიუჯეტში გათვალისწინება.
ხვალ, შეხვედრები აბაშის მუნიციპალიტეტის სოფლებში: სეფიეთში, გეზათში, გულუხეთსა და ძველი აბაშაში გაიმართება.
