ახალი ამბები
ქარიატა-შუა ხორგის დამაკავშირებელი გზის რეაბილიტაცია მიმდინარეობს
2019-10-04 11:07:00
საქართველოს მუნიციპალური განვითარების ფონდი, ევროპის საინვესტიციო ბანკის (EIB) დაფინანსებით შუა ხორგა-გამოღმა შუა ხორგა-ქარიატის დამაკავშირებელი 7-კილომეტრიანი გზის რეაბილიტაციას ახორციელებს.
ქარიატის ადმინისტრაციულ ერთეულში გზის რეაბილიტაციის პროცესს სამეგრელო-ზემო სვანეთის სახელმწიფო რწმუნებულის მოადგილე, ლუდუკ ხასია და ხობის მუნიციპალიტეტის მერი, გოჩა ქაჯაია გაეცნენ.
პროექტის შესაბამისად: დაიგება არმირებული ცემენტბეტონის საფარი, მოეწყობა წყალამრიდი მილები, ეზოებში შესასვლელები, გასაჩერებელი მოედნები, დამონტაჟდება საგზაო ნიშნები.
შესრულებულია სამუშაოების 55 პროცენტი.
ინფრასტრუქტურული პროექტის ღირებულება 3 მილიონ 570 ათას ლარს შეადგენს. სამშენებლო სამუშაოებს შპს „პრაიმ ბეტონი“ აწარმოებს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
