შეხვედრა მყარი ნარჩენების მართვის ინტეგრირებულ პროგრამასთან დაკავშირებით

საქართველოს მთავრობის და გერმანული ორგანიზაცია ,,KFW“-ს შეთანხმების საფუძველზე 1 ოქტომბრიდან დაიწყო ევროკავშირის სტანდარტების შესაბამისი მყარი ნარჩენების მართვის სისტემის ჩამოყალიბების მიზნით  პროექტი „მყარი ნარჩენების მართვის ინტეგრირებული პროგრამა II“, რომელიც ექსპერტებმა სამეგრელო-ზემო სვანეთის სახელმწიფო რწმუნებულის მოადგილეებს გააცნეს.

პროექტი გაგრძელდება 4 წლის განმავლობაში და მას გერმანული კომპანია ,,FITCHNER“-ი და ადგილობრივი კომპანია ,,პოლიტიკისა და მართვის კონსალტინგ ჯგუფი - PMCG“ განახორციელებენ.

პროექტის მიზანია, „მყარი ნარჩენების მართვის ინტეგრირებული პროგრამის“ ფარგლებში  დაეხმაროს მყარი ნარჩენების მართვის კომპანიის რეგიონალურ ფილიალებს, საჯარო სამსახურებსა და ადგილობრივი თვითმმართველობებს.

შერჩეულ მუნიციპალიტეტებს და მყარი ნარჩენების მართვის კომპანიას უნარების გაუმჯობესების მიზნით, გაეწევა საკონსულტაციო მომსახურება ინსტიტუციონალურ, ორგანიზაციულ და ფინანსურ საკითხებში.

პროექტის გაცნობის და ინფორმაციის გაზიარების მიზნით ექსპერტთა ჯგუფი სამეგრელო-ზემო სვანეთის სახელმწიფო რწმუნებულის მოადგილეებს დავით ფარცვანიას, ლუდუკ ხასიას, რეგიონული პროექტების სამსახურის უფროსს ნუგზარ გაბელიას და ამავე სამსახურის თანამშრომლებს შეხვდნენ.