ლუდუკ ხასია ნარაზენსა და ძველ ხიბულაში იმყოფებოდა

სამეგრელო-ზემო სვანეთის სახელმწიფო რწმუნებულის მოადგილე ლუდუკ ხასია, ინფრასტრუქტურული პროექტების მონიტორინგს განაგრძობს. სახელმწიფო რწმუნებულის მოადგილემ ნარაზენი-შამადელას საავტომობილო გზის მეორე ეტაპის სამუშაოების მიმდინარეობას გაეცნო.

სახელმწიფო რწმუნებულის მოადგილემ შამადელა-ნარაზენის ადმინისტრაციული ერთეულების დამაკავშირებელი საავტომობილო გზის სარეაბილიტაციო სამუშაოები დაათვალიერა. საავტომობილო გზის 1 600 მეტრიანი მონაკვეთის სამშენებლო სამუშაოები 2019 წლის პირველ ნახევარში დასრულდა, ხოლო მშენებლობის მეორე ეტაპი 1 610 მეტრიანი მონაკვეთის მშენებლობა უკვე მიმდინარეობს , რომელიც 2020 წელს დასრულდება. პროექტი რეგიონებში განსახორციელებელი პროექტების ფონდის და ზუგდიდის მერიის თანადაფინანსებით ხორციელდება და ჯამური ღირებულება 1 260 000 ლარს შეადგენს.

ლუდუკ ხასიამ ხიბულაში მიმდინარე პროექტებიც დაათვალიერა. სოფელ ძველ ხიბულაში ფონდ ,,ქართუს" მიერ ზვიად გამსახურდიას მემორიალური მუზეუმის რეაბილიტაცია და საბავშვო ბაღის მშენებლობა მიმდინარეობს, სოფელში ასევე ხორციელდება წყლის, საგზაო ინფრასტრუქტურის და გაზიფიცირების სამუშაოები.