ახალი ამბები
ხელისუფლების წარმომადგენლები მოსახლეობას აბაშის სოფლებში შეხვდნენ
2019-09-19 19:05:00
მოსახლეობასთან შეხვედრები სამეგრელო-ზემო სვანეთის რეგიონში აქტიურად მიმდინარეობს. ამჯერად ხელისუფლების წარმომადგენლები მოსახლეობას აბაშის მუნიციპალიტეტის სოფლებში: ეწერში, სუჯუნასა და ზანათში შეხვდნენ. შეხვედრებს სახელმწიფო რწმუნებულის მოადგილე, დავით ვერავა და აბაშის მუნიციპალიტეტის მერი, ლევან მაკალათია ესწრებოდნენ.
დღეს გამართულ შეხვედრაზე ადგილობრივებმა მთავარ პრობლემად გაზიფიცირება, სასოფლო-სამეურნეო სავარგულებთან მისასვლელი გზების რეაბილიტაცია, ჭაბურღილების ამოწმენდა, და გარე განათება დაასახელეს.
ხელისუფლების წარმომადგენლებმა მოსახლეობას დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს ინფორმაცია.
