ახალი ამბები
ზუგდიდში ავარიულ შენობებში მცხოვრებ დევნილებს ბინებს გადასცემენ
ზუგდიდში ავარიულ შენობებში მცხოვრებ დევნილებს თაბუკაშვილის ქუჩაზე ახლადაშენებულ კორპუსებში ბინებს გადასცემენ. გადაწყვეტილება დევნილებს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და გუბერნატორმა ლევან შონია გააცნეს.
სოზარ სუბარის განცხადებით, ლევან სამხარაულის სახელობის ექსპერტიზის ბიუროს დასკვნის თანახმად ზუგდიდში კომპაქტურ ჩასახლებაში მცხოვრები 82 ოჯახის გასახლება დაუყოვნებლივ უნდა მოხდეს. რადგან ისინი ნგრევად ობიექტებში ცხოვრობენ სადაც ცხოვრება სიცოცხლისთვის საშიშია.
თაბუკაშვილის ქუჩაზე ახალ საცხოვრებელ კორპუსებში, სულ 320 დევნილი ოჯახი მიიღებს ბინებს. ბინების გადაცემა დევნილი ოჯახების მდგომარეობის გათვალისწინებით სპეციალური კომისიის მიერ მოხდება. თაბუკაშვილის ქუჩაზე მდებარე ობიექტი ადაპტირებულია შეზღუდული შესაძლებლობების მქონე პირებისთვის და ისინი, სამინისტროსვე გადაწყვეტილებით კენჭისყრის გარეშე პირველ სართულზე მიიღებენ ბინებს.
დევილბს ახალ ბინებს ორ კვირაში გადასცემენ. მათ კი საცხოვრებელში ავეჯისა გადატანაში სამეგრელო-ზემო სვანეთის გუბერნია და ადგილობრივი თვითმმართველობა უზრუნველყოფს.
ასევე მარტში დასრულდება ზუგდიდის მუნიციპალიტეტის სოფელ ახალალსოფელში სარემონტო სამუშაოები სადაც 42 დევნილი ოჯახი მიიღებს ბინას.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
