ახალი ამბები
აბაშაში ეროვნული არქივის, საჯარო რეესტრისა და სახელმწიფო სერვისების განვითარების სააგენტოს ოფისები ერთ შენობაში განთავსდება
აბაშაში, 21 იანვარს, იუსტიციის სამინისტროს ეროვნული არქივის, საჯარო რეესტრისა და სახელმწიფო სერვისების განვითარების სააგენტოს ერთიანი ოფისი გაიხსნა. ღონისძიებას იუსტიციის მინისტრის მოადგილე მიხეილ სარჯველაძე, საქართველოს ეროვნული არქივის გენერალური დირექტორი თეონა იაშვილი, საჯარო რეესტრის ეროვნული სააგენტოს თავმჯდომარე პაპუნა უგრეხელიძე, სახელმწიფო სერვისების განვითარების სააგენტოს თავმჯდომარე შიო ხეცურიანი, აბაშის მუნიციპალიტეტის გამგებელი მამუკა კვიტაშვილი და საკრებულოს თავმჯდომარე პაატა ქურდოვანიძე ესწრებოდნენ.
რეკონსტრუქციის შემდეგ შენობაში გაუმჯობესდა როგორც თანამშრომელთა სამუშაო გარემო, ისე მოქალაქეთა მომსახურების სტანდარტები-იუსტიციის სამინისტროსადმი დაქვემდებარებული სამი უწყების მომსახურებას ადგილობრივები უკვე ერთ შენობაში მიიღებენ.
სამსართულიანი შენობის რეკონსტრუქცია 2014 წლის დეკემბერში დასრულდა. არქიტექტორ გიორგი კირთაძის პროექტის მიხედვით სამუშაოები ტენდერში გამარჯვებულმა სამშენებლო კომპანია „მეგა-სერვის ჯგუფმა“ ჩაატარა. პროექტის განსახორციელებლად საქართველოს მთავრობამ 270 118 ათასი ლარი გამოყო.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
