კლასიკური მუსიკის საღამო ზუგდიდში გაიმართა

მოსწავლე ახალგაზრდობის სასახლეში კლასიკური მუსიკის საღამო გაიმართა. ღონისძიებაში მონაწილება მოსწავლე ახალგაზრდობის განვითარების სასახლის სამუსიკო და საგუნდო სკოლის მოსწავლეებმა და სამეჯლისო ცეკვების ანსამბლ ,,ეზი“-ს მოცეკვავეებმა მიიღეს . მსგავსი ტიპის ღონისძიებები ხელს უწყობს კლასიკური მუსიკის საღამოების დანერგვას და პოპულარიზაციას ჩვენს რეგიონში. დღევანდელ საღამოს სამეგრელო-ზემო სვანეთის სახელმწიფო რწმუნებული ალექსანდრე მოწერელია და ადგილობრივი თვითმმართველობის წარმომადგენლები ესწრებოდნენ „მოგესალმებით, ჩემთვის დიდი პატივია კლასიკური მუსიკის კონცერტზე დასწრება და ამდენი ნიჭიერი ახალგაზრდის ერთ სცენაზე ხილვა. ჩვენს მუნიციპალიტეტს არაერთი ნიჭიერი ახალგაზრდა ჰყავს კულტურის სხვადასხვა დარგში, მათი ხელშეწყობა, მათი ნიჭის პოპულარიზაცია, არამარტო ქვეყნის მასშტაბით, არამედ საზღვარგარეთაც, ჩვენთვის უმნიშვნელოვანესია და ერთ-ერთი პრიორიტეტია. მე არაერთხელ მომისმენია, ამ ახალგაზრდებისთვის, მათი ნიჭი დასაფასებელი და საყურადღებოა, მიხარია რომ ასეთი მომავალი თაობა გვყავს. მუდამ თქვენს გვერდით მიგულეთ, გპირდებით უპირობო მხარდაჭერას და ხელშეწყობას თქვენი ნიჭის პოპულარიზაციაში, რათა არაერთგზის ასახელოთ ჩვენი ქვეყანა“ - განაცხადა ღონისძიებაზე სიტყვით გამოსვლის დროს ალექსანდრე მოწერელიამ.