ახალი ამბები
ზვიად გამსახურდიას 80 წლის იუბილე ზუგდიდში აღნიშნეს
ზუგდიდში, ზვიად გამსახურდიას დაბადებიდან 80 წლისთავისადმი მიძღვნილ ღონისძიებებს ვიცე პრემიერი/შინაგან საქმეთა მინისტრი გიორგი გახარია, სამეგრელო-ზემო სვანეთის სახელმწიფო რწმუნებული ალექსანდრე მოწერელია და ზუგდიდის მერის პირველი მოადგილე გიორგი შენგელია დაეწრნენ. ხელისუფლების წარმომადგენლებმა ზვიდ გამსახურდიას ბიუსტი გვირგვინებით შეამკეს და მისი სულის მოსახსენიებელ პანაშვიდს დაესწრნენ. მოგვიანებით კი ზვიად გამსახურდიას ცხოვრებისა და მოღვაწეობის ამსახველ ფოტოგამოფენას დაესწრნენ. სამეგრელო-ზემო სვანეთის სახელმწიფო რწმუნებულის ალექსანდრე მოწერელიას განცხადებით, საიუბილეო თარიღთან დაკავშირებით, წელს ჩვენს რეგიონში მოხდება პირველი პრეზიდენტის სახელობის ბიბლიოთეკის და სახლ-მუზეუმის გახსნა. წელს ასევე გაიხსნება ზვიად გამსახურდიას ბიუსტები ჩხოროწყუსა და წალენჯიხაში.
