პრეზენტაცია და სამუშაო შეხვედრა სამეგრელო–ზემო სვანეთის სახელმწიფო რწმუნებულის–გუბერნატორის ადმინისტრაციაში

2014-2021 წლებისათვის სამეგრელო–ზემო სვანეთის რეგიონის განვითარების სტრატეგიის ფარგლებში,  დღეს გაიმართა სამუშაო შეხვედრა, რომელიც მიეძღვნა  2014-2016 წლებისათვის  რეგიონის სამოქმედო გეგმის შემუშავებას.

ადგილობრივ თვითმმართველობის ორგანოებთან ურთიერთობის სამსახურის უფროსმა  გელა სვირავამ ისაუბრა სამოქმედო გეგმის მიზნებზე და ამოცანებზე. კერძოდ მან აღნიშნა, რომ სამოქმედო გეგმის მიზანია: დაეხმაროს ადგილობრივი თვითმმართველ ერთეულებს რეგიონული განვითარების ფონდისათვის განკუთვნილი პროექტების პრიორიტეტიზაციაში; თავი მოუყაროს ცენტრალური ხელისუფლების არსებული განვითარების გეგმებს სინთეზირებულ, რეგიონული განვითარების გეგმაში.

ადგილობრივი თვითმმართველობის ორგანოებთან ურთიერთობის სამსახურის მთავარმა სპეციალისტმა  ლევან წიწავამ ისაუბრა, პროექტის აღწერის ფორმის შევსების ინსტრუქციის შესახებ. დეტალურად განიხილა ოთხივე ფილტრი, რომელიც უნდა გაიაროს პროექტმა მათი საბოლოო შეფასებამდე.

შეხვედრაზე გელა სვირავამ წარადგინა მაღალ აკადემიურ და პოლიგრაფიულ დონეზე შესრულებული ნაშრომი ,,სამეგრელო–ზემო სვანეთი“, რომლის მიზანია ინვესტორებსა და დაინტერესებულ პირებს მიაწოდოს რეგიონის შესახებ კომპლექსური და სისტემატიზებული მასალები. კერძოდ ნაშრომში გადმოცემულია: რეგიონის მოკლე დახასიათება; ბუნებრივი რესურსები; ეკონომიკური განვითარება; ტურიზმი; სოფლის მეურნეობა; ტრანსპორტი და კავშირგაბმულობა; საზოგადოებრივი მომსახურებები და სოციალური განვითარება. ნაშრომის გამოიცა გაეროს განვითარების პროგრამის (UNDP), შვეიცარიის განვითარებისა და თანამშრომლობის სააგენტოს (SDC) და ავსტრიის განვითარების სააგენტოს (ADA) ფინანსური მხარდაჭერით.