საქართველოს პრეზიდენტმა - სალომე ზურაბიშვილმა, სამეგრელო-ზემო სვანეთის სახელმწიფო რწმუნებულთან - ალექსანდრე მოწერელიასთან ერთად, სოფელ რუხში, ინოვაციების ცენტრი დაათვალიერა და მისი მუშაობის სპეციფიკას გაეცნო. ინოვაციების ცენტრის მეშვეობით, ადგილობრივი მოსახლეობა და კერძო კომპანიები საკუთარ ბიზნესსაქმიანობას ავითარებენ და ყოველდღიურად იღრმავებენ საჭირო ცოდნას როგორც ინოვაციებისა და ტექნოლოგიების სფეროში, ისე მეწარმეობის განვითარების მიმართულებით.