სოზარ სუბარი ფოთის ახალ რაიონში დევნილებს შეხვდა

დევნილთა და განსახლების მინისტრი სოზარ სუბარი, ფოთის მაჟორიტარი დეპუტატი ეკა ბესელია, სამეგრელო-ზემო სვანეთის რწმუნებული-გუბერნატორის მოადგილე კობა ქანთარია და ფოთის მერი ირაკლი კაკულია ფოთის ახალ რაიონში ჩასახლებულ დევნილებს შეხვდნენ.
საქართველოს მთავრობის გადაწყვეტილებით ახალი რაიონის 32 კორპუსი, სადაც 1054 დევნილი ოჯახი ცხოვრობს, თბო და ჰიდროიზოლაციით შეიფუთება. სამუშაოების ჩასატარებლად 2 მილიონ 500 ათსი ლარი გამოიყო და წლის ბოლოსათვის დასრულდება. 2011 წელს ხარვეზებით აშენებული 32 საცხოვრებელი კორპუსი ნგრევის საშიშროებას ქმნიდა.
შეხვედრისას მინისტრმა ისაუბრა იმ ცვლილებებზეც, რაც დევნილთა გრძელვადიანი განსახლების კრიტერიუმებში შევიდა. სოზარ სუბარმა ხაზგასმით აღნიშნა, რომ განახლებული კრიტერიუმები უფრო მეტად მორგებულია დევნილთა საჭიროებებზე.