ახალი ამბები
ანაკლიის ღრმაწყლოვანი პორტის საზღვაო სამშენებლო სამუშაოები დაიწყო
ალექსანდრე მოწერელია ანაკლიაში ღრმაწყლოვანი პორტის მასშტაბური საზღვაო სამშენებლო სამუშაოების დაწყების ოფიციალურ ღონისძიებას დაესწრო.
ღონისძიებას ,,ანაკლიის განვითარების კონსორციუმის“ ხელმძღვანელი მამუკა ხაზარაძე, ეკონომიკის მინისტრი გიორგი ქობულია, სამეგრელო-ზემო სვანეთი გუბერნატორი ალექსანდრე მოწერელია, ანაკლიის პორტის პროექტის დამფუძნებელი სამთავრობო უწყებების და საერთაშორისო კომპანიის „Van Oord" წარმომადგენლები დაესწრნენ.
„ანაკლიის პორტის მშენებლობით ჩვენს რეგიონში იქმნება უდიდესი სატრანსპორტო და ეკონომიკური კვანძი, რაც მნიშვნელოვნად შეუწყობს ხელს ჩვენი ქვეყნის ეკონომიკურ დაწინაურებას და თითოეული ჩვენი მოქალაქის ეკონომიკური მდგომარეობის გაუმჯობესებას. მე მინდა, წარმატება ვუსურვო ყველას, ვინც მონაწილეობს ამ დიდ მშენებლობაში. დღეს, სახელმწიფო მაქსიმალურად ხელს უწყობს ასეთი მასშტაბური პროექტების განხორციელებას. ეს არის სწორედ ქვეყნისა და თითოეული თქვენგანის ეკონომიკური წარმატების საფუძველი“, - განაცხადა ალექსანდრე მოწერელიამ.
საზღვაო მშენებლობას საერთაშორისო ტენდერში გამარჯვებული, მსოფლიოში ერთ-ერთი ლიდერი საზღვაო-ინფრასტრუქტურული კომპანია „Van Oord" ჩაატარებს. ანაკლიის ღრმაწყლოვანი პორტის მშენებლობა სულ 9 ფაზად არის დაგეგმილი. მისი ჯამური ღირებულება 2.5 მილიარდ აშშ დოლარად არის შეფასებული. მშენებლობა 2017 წლის დეკემბერში ადრეული სახმელეთო სამუშაოებით დაიწყო. პირველი გემების მიღება 2020 წლის ბოლოსკენ იგეგმება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
