პრეზენტაცია ვებ გვერდების – www.szs.gov.ge; www.investinsamegrelo.ge

დღეს სამეგრელო-ზემო სვანეთში სახელმწიფო რწმუნებულის-გუბერნატორის ადმინისტრაციის სხდომათა დარბაზში გაიმართა სამეგრელო ზემო სვანეთიში  სახელმწიფო რწმუნებულის-გუბერნატორის ადმინისტრაციის ვებ-გვერდისა და “საერთაშორისო ბიზნეს ფორუმის ანაკლია 2014” ვებ გვერდის პრეზენტაცია. (მისამართი: www.szs.gov.ge; www.investinsamegrelo.ge)

განახლდა სახელმწიფო რწმუნებულის-გუბერნატორის  ადმინისტრაციის ვებ-გვერდი, რომლის მეშვეობითაც მოსახლეობას და დაინტერესებულ პირებს შესაძლებლობა ეძლევათ ონლაინ რეჟიმში მიიღონ მათთვის სასურველი ინფორმაცია.

"რეგიონული პროექტების კოორდინირების სამსახურის ორგანიზებით და GIZ ფინანსური მხარდაჭერით   შეიქმნა,  ვებ- გვერდი, რომელიც  პირველ ეტაპზე  მოემსახურება საერთაშორისო ბიზნეს ფორუმს "ანაკლია-2014"-ს. ვებ-გვერდზე განთავსდება რეგიონის შესახებ სრული  ინფორმაცია და დაინტერესებულ მხარეებს შესაძლებლობა ექნებათ გაეცნონ მხარის ეკონომიკურ, ტურისტულ, ინდუსტრიულ  პოტენციალს, რეგიონის განვითარების სტრატეგიას, სოციალური განვითარების შესახებ ინფორმაციას, მაკროეკონომიკურ მაჩვენებლებს და სხვა" – განაცხადა სამეგრელო ზემო სვანეთის მხარეში სახელმწიფო რწმუნებულის–გუბერფნატორის ადმინისტრაციის პროექტების კოორდინირების სამსახურის უფროსის მოადგილემ ნუგზარ გაბელაიამ.

მისივე თქმით, ვებ-გვერდზე აიტვირთება საინვესტიციო პროექტები, საინვესტიციო წინადადებები და  მცირე ბიზნეს პროექტები, საინვესტიციო შეთავაზებები, რომელზეც წვდომა ექნებათ, როგორც უცხოელ, ასევე ადგილობრივ საინვესტიციო-საფინანსო ჯგუფებს.

ვებ გვერდი 3 ენოვანია (ქართული, ინგლისური, რუსული).

პრეზენტაციას დაესწრნენ სამეგრელო-ზემო სვანეთში სახელმწიფო რწმუნებულის-გუბერნატორის  ადმინისტრაციის  ხელმძღვანელი პირები, ადმინისტრაციის თანამშრომლები, მედიის და არასამთავრობო ორგანიზაციების წარმომადგენლები.