სამეგრელო-ზემო სვანეთის მხარის ადმინისტრაციაში სამხარეო საკონსულტაციო საბჭოს პირველი სხდომა გაიმართა

29 ოქტომბერს, სახელმწიფო რწმუნებულის-გუბერნატორის ადმინისტრაციული შენობის, ქალაქ ზუგდიდის მუნიციპალიტეტის ადგილობრივი თვითმმართველობის ორგანოების სხდომათა დარბაზში აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის, ქალაქ ზუგდიდისა და ქალაქ ფოთის მუნიციპალიტეტბში სახელმწიფო რწმუნებულთან - გუბერნატორთან არსებული - სამხარეო საკონსულტაციო საბჭოს სხდომა გაიმართა, რომელსაც სახელმწიფო რწმუნებული–გუბერნატორი ლევან შონია უძღვებოდა. სხდომას ესწრებოდნენ მუნიციპალიტეტის გამგებლები, მერები, საკრებულოს თავმჯდომარეები და საკრებულოს თავმჯდომარის მოადგილეები. საბჭოს მუშაობაში მონაწილეობა მიიღო საქართველოს რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსმა გიორგი წაქაძემ. საბჭომ პირველ საკითხად განიხილა და დაამტკიცა სამხარეო საკონსულტაციო საბჭოს დებულება. გიორგი წაქაძემ საბჭოს წევრებს გააცნო რეგიონული განვითარების სამოქმედო გეგმების შემუშავების სახელმძღვანელო. საკონსულტაციო საბჭომ რეგიონული განვითარების სამოქმედო გეგმის სამუშაო ჯგუფების შემადგენლობაც დაამტკიცა.