ახალი ამბები
ხელისუფლებამ რეგიონის სტრატეგიის სამოქმედო გეგმაზე მუშაობა დაიწყო
საქართველოს რეგიონული განვითარებისა და ინფრასტრუქტურის სამინისტროსა და სამეგრელო–ზემო სვანეთის სახელმწიფო რწმუნებული-გუბერნატორის ადმინისტრაციის მონაწილეობით ზუგდიდის მუნიციპალიტეტის გამგეობის საკონფერენციო დარბაზში რეგიონის სტრატეგიის სამოქმედო გეგმის შემუშავების მეთოდოლოგიის წარდგენა გაიმართა. შეხვედრაზე შეიქმნა სამუშაო ჯგუფები და განისაზღვრა მათი შემადგენლობა.
სამუშაო ჯგუფები დაიყო შემდეგ კატეგორიებად: ინფრასტრუქტურა და ტურიზმი, ბიზნესი სოფლის მეურნეობა, განათლება, კულტურა, სპორტი, გარემოს დაცვა, ჯანმრთელობა და სოციალური დაცვა. ჯგუფებში ადგილობრივი თვითმმართველობების, არასამთავრობო ორგანიზაციებისა და საზოგადოების წარმომადგენლები გაერთიანდნენ.
სამეგრელო-ზემო სვანეთის რწმუნებული-გუბერნატორის ადმინისტრაციის რეგიონული პროექტების კოორდინირების სამსახურის უფროსის მოადგილის, ნუგზარ გაბელიას განცხადებით „რეგიონის სტრატეგიის სამოქმედო გეგმის შემუშავება უმნიშვნელოვანესი დოკუმენტია, რადგან იგი მომავალი სამი წლის განმავლობაში დასაფინანსებელი პროექტების თანმიმდევრობას განსაზღვრავს. შექმნილი ჯგუფები მუშაობას დეკემბრის ბოლოს დაასრულებენ. ამ დროისათვის შერჩეული იქნება ის პროექტები, რომელიც ხელისუფლებას დასაფინანსებად წარედგინება.“
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
