ახალი ამბები
აბაშაში კონსტანტინე გამსახურდიას სახლ-მუზეუმს კომპლექსური რეაბილიტაცია ჩაუტარდება
აბაშაშის მუნიციპალიტეტში, კონსტანტინე გამსახურდიას სახლ-მუზეუმს რეაბილიტაცია ჩაუტარდება.
განვითარების კონცეფცია კ.გამსახურდიას სამუზეუმო კომპლექსში რამდენიმე ზონის მოწყობას ითვალისწინებს: ვიზიტორთა მიღების, საინფორმაციო, სამუზეუმო-საექსპოზიციო ზონა, სადაც ვიზიტორთა მიღების არეალები განთავსდება.
კომპლექსის მთავარი, თემატური საინტერპრეტაციო სივრცე თანამედროვე ტიპის ნაგებობაში მოეწყობა.
მე-19 საუკუნის ეთნოგრაფიის აღდგენის გზით, რეკონსტრუირდება კ. გამსახურდიას ოჯახის მემორიალური გარემო. საგამოფენო დარბაზი მწერლის ცხოვრებისა და შემოქმედების ექსპონირებას დაეთმობა;
სპეციალური ადგილი დაეთმობა საქართველოს დამოუკიდებლობის დეკლარაციის მიღების თემას, სადაც ვიზიტორებს დამოუკიდებლობის დეკლარაციის ტირაჟირებულ ასლზე საკუთარი ხელმოწერის დატანისა და სამახსოვრო სუვენირად შეძენის შესაძლებლობა ექნებათ.
სამუზეუმო კომპლექსის ტერიტორიაზე მოეწყობა საქართველოს დამოუკიდებლობის აღდგენის აქტის მემორიალური სტელა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
