ირაკლი ღარიბაშვილმა ცაიშში მშენებარე სასათბურე მეურნეობა მოინახულა

საქართველოს პრემიერ-მინისტრმა ირაკლი ღარიბაშვილმა ზუგდიდის რაიონის სოფელ ცაიშში მშენებარე მაღალტექნოლოგიური სასათბურე მეურნეობა „Stimor Associates”-ი დაათვალიერა. კომპანიის პარტნიორია სასათბურე მეურნეობის მშენებლობაში მსოფლიოში ერთ-ერთი ლიდერი ებრაული კომპანია „ნეტაფიმი“. სათბურის გასათბობად კომპანია თერმულ წყლებს გამოიყენებს. მისი რაოდენობა დღე-ღამის განმავლობაში 6 900 კუბური მეტრი იქნება.
როგორც მთავრობის მეთაურს სასათბურე მეურნეობის მფლობელმა და სოფლის მეურნეობის მინისტრმა განუმარტეს, მშენებლობა სოფელ ცაიშში 2014 წლის ივნისში დაიწყო და პირველი ეტაპი ნოემბერში დასრულდება. 
ინვესტორი 3 ჰექტარ ფართობზე გაშენებული სასათბურე მეურნეობის გაფართოებას და 5 წლის განმავლობაში 30 ჰექტარი ფართობის ათვისებას გეგმავს. ობიექტზე 500-მდე ადამიანი დასაქმდება, ხოლო ინვესტიციის მოცულობა 30 მილიონი დოლარია.