ახალი ამბები
ჩხოროწყუს მუნიციპალიტეტის სოფელ ნაფიჩხოვოში ახალი გზა შენდება
2017-12-14 20:36:00
ჩხოროწყუს მუნიციპალიტეტში, სოფელ ნაფიჩხოვოში, საავტომობილო გზის რეაბილიტაცია მიმდინარეობს. ამ ეტაპზე, ასფალტის საფარის მეორე ფენა იგება.
გზის აღნიშნულ მონაკვეთზე ასფალტო–ბეტონის საფარი არასდროს ყოფილა. ახალი საავტომობილო გზის დაგების შემდეგ მოსახლეობა უსაფრთხოდ და კომფორტულად შეძლებს გადაადგილებას.
მიმდინარე სამუშაოები მუნიციპალიტეტის მერმა დაათვლიერა.
პროექტი, რომლის ღირებულება 1 800 000 ლარს შეადგენს რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება.
აღნიშნული პროექტის ფარგლებში, გზის სარეაბილიტაციო სამუშაოები სოფელ თაიაშიც ჩატარდა.
