ახალი ამბები
აბაშის მუნიციპალიტეტის სოფელ მარანში გზის რეაბილიტაცია დასრულდა
2017-09-15 13:09:00
აბაშის მუნიციპალიტეტის მარნის ადმინისტრაციულ ერთეულში გზების რეაბილიტაციის სამუშაოები დასრულდა. რეაბილიტირდა ორი გზა სოფელ მარნის ცენტრიდან სოფელ პირველი მაისის და სოფელ თხმელარის მიმართულებით. დასრულებული სამუშაოები აბაშის მუნიციპალიტეტის გამგებელმა მამუკა კვიტაშვილმა დაათვალიერა.
პროექტი „რეგიონული განვითარების პროექტების ფონდისა“ და ადგილობრივი ბიუჯეტის თანადაფინანსებით განხორციელდა. პროექტის ღირებულებამ 756 970 ლარი შეადგინა.
