ახალი ამბები
სენაკის სახელმწიფო დრამატული თეატრის რეაბილიტაცია აქტიურად მიმდინარეობს
სენაკის აკაკი ხორავას სახელობის სახელმწიფო დრამატული თეატრის რეაბილიტაცია აქტიურად მიმდინარეობს.
პროექტის ფარგლებში, რესტავრირება ჩაუტარდება და აღდგება კედლის უნიკალური მხატვრობა; თეატრის შენობა სრულად იქნება ადაპტირებული შშმ პირებისთვის; მიმდინარეობს გარე ფასადისა და ინტერიერის სრული რეაბილიტაცია; სრულად განახლდა თეატრის სახურავი; მოეწყო თბოიზოლაციის და სადრენაჟო სისტემები;
დასრულდა შენობის კონსტრუქციული ნაწილის გამაგრებითი სამუშაოები; დასრულებულია გათბობის, კონდიცირებისა და ვენტილაციის სისტემების მონტაჟი; სრულად განახლებულია ელექტროგაყვანილობა, ასევე დამონტაჟდება თანამედროვე სტანდარტების გარეგანათების, სასცენო განათებისა და აკუსტიკის სისტემები.
სამუშაოებზე დასაქმებულია 50 ადგილობრივი. პროექტს ფონდი „ქართუ“ აფინანსებს.
მსგავსი მასშტაბის სარეაბილიტაციო სამუშაოები სენაკის თეატრის შენობას მანამდე არ ჩატარებია.
