ახალი ამბები
„აღმოსავლეთ პარტნიორობის“ ელჩები საოკუპაციო ხაზთან იმყოფებოდნენ
„აღმოსავლეთ პარტნიორობის“ საკითხებში საგანგებო დავალებათა ელჩები აფხაზეთის საოკუპაციო ხაზთან იმყოფებოდნენ.
დელეგაციის შემადგენლობაში საგანგებო დავალებათა ელჩები ბულგარეთიდან, ჩეხეთიდან, გერმანიიდან, ესტონეთიდან, ლიტვიდან, ლატვიიდან, ნიდერლანდებიდან, პოლონეთიდან, რუმინეთიდან, შვედეთიდან და დიდი ბრიტანეთიდან შედიოდნენ.
„აღმოსავლეთ პარტნიორობის“ საგანგებო დავალებათა ელჩების დელეგაცია ენგურის ხიდს, ხურჩასა და შამგონას სტუმრობდა. ელჩები ადგილზე არსებულ ვითარებას ზუგდიდის მუნიციპალიტეტის საკრებულოს თავმჯდომარესთან და სამეგრელო-ზემო სვანეთის გუბერნატორის აპარატის უფროსთან ერთად გაეცნენ.
ვიზიტის ფარგლებში, ელჩები უკვე შეხვდნენ საქართველოს პრეზიდენტს, პრემიერ-მინისტრს, პარლამენტის თავმჯდომარეს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრს, საგარეო საქმეთა მინისტრის მოადგილეს და საქართველოს პარლამენტის საგარეო ურთიერთობათა კომიტეტის თავმჯდომარეს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
