9 ივნისს სამხარეო საკონსულტაციო საბჭოს სხდომა გაიმართება

მიმდინარე წლის, 9 ივნისს სახელმწიფო რწმუნებულთან - გუბერნატორთან არსებული აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის, ქალაქ ფოთისა და ქალაქ ზუგდიდის მუნიციპალიტეტთა საკონსულტაციო ორგანოს - სამხარეო საკონსულტაციო საბჭოს სხდომა გაიმართება.

სხდომაზე განიხილავენ სამეგრელო-ზემო სვანეთის რეგიონის განვითარების 2017 წლის სტრატეგიით განსაზღვრულ რეგიონებში განსახორციელებელი პროექტების ფონდიდან დაფინანსებულ პროექტებს და მათ მიმდინარეობას გაეცნობიან.

სხდომაზე ასევე მოხდება, 2015 – 2017 წლების სამეგრელო-ზემო სვანეთის რეგიონის განვითარების სტრატეგიის კორექტირებული სამოქმედო გეგმის განხილვა.

საკონსულტაციო საბჭოს სხდომას სახელმწიფო რწმუნებული - გუბერნატორი ლევან შონია, რეგიონის გამგებლები, მერები, საკრებულოს თავმჯდომარეები და მათი მოადგილეები დაესწრებიან.

საკონსულტაციო საბჭოს სხდომა გაიმართება გუბერნიის ადმინისტრაციულ შენობაში (მის: ქ. ზუგდიდი ზ. გამსახურდიას გამზ. №45); სხდომის დაწყების დრო 15:00 სთ).

► იხილეთ დღის წესრიგი