ახალი ამბები
კუნძულის სანაპირო ზოლზე ნაპირსამაგრი სამუშაოები განხორციელდება
ფოთის მუნიციპალიტეტში, კუნძულის სანაპირო ზოლზე ნაპირსამაგრი სამუშაოები განხორციელდება.
აღნიშნულ პროექტთან დაკავშირებით, სამეგრელო -ზემო სვანეთის გუბერნატორი ლევან შონია, მოადგილე დათო კოდუასთან და ადგილობრივი ხელისუფლების წარმომადგენლებთან ერთად, საქართველოს მუნიციპალური განვითარების ფონდის პროექტების მენეჯერს რევაზ გიგილაშვილს შეხვდა.
სამუშაო შეხვედრაზე ყველა ის საკითხი განიხილეს, რაც ამ პროექტის განხორცილებისთვის არის საჭირო.
შეხვედრაზე აღინიშნა, რომ საქართველოს მუნიციპალური განვითარების ფონდმა, გარემოს დაცვის სამინისტროსა და გარემოს ეროვნულ სააგენტოსთან ერთად მუშაობის შედეგად შავი ზღვის სანაპიროზე მოიძიეს უბნები, რომლებიც ყველაზე მეტად განიცდიან ეროზიას და მათგან შეირჩა ფოთი.
შეხვედრა მოეწყო ასევე საქართველოს ეკონომიკისა და მდგრადი განვითარების სამინისტროს სახელმწიფო ჰიდროგრაფიულ სამსახურში, დაათვალიერეს კუნძულის უბნის სანაპირო ზოლი და ადგილზე გაეცნენ ტექნიკურ საკითხებს. შეირჩა ადგილები, სადაც სამუშაოების დაწყებამდე უნდა განთავსდეს ტალღმტეხი ნაგებობები (ტეტრაპოდები), რომლითაც ზღვის სანაპიროს გამაგრება მოხდება.
პროექტის მიხედვით, კუნძულის უბანში, 2 კმ-მდე სიგრძის სანაპირო ზოლზე ნაპირსამაგრი სამუშაოები განხორციელდება, სადაც 8000 ცალი ტეტრაპოდი განთავსდება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
