პროექტის მიხედვით, მიმდინარე წელს რეაბილიტირდა პლაჟთან მისასვლელი გზა, ზღვის სანაპირო ზოლის გასწვრივ მოეწყო შიდა მომსახურების გზა ღია ავტოსადგომებით. დამონტაჟდა გარე განათება, მოეწყო მწვანე ზოლი.

ამ ეტაპზე მალთაყვის სანაპირო ზოლზე მიმდინარეობს ელექტროენერგიის,საკანალიზაციო კომუნიკაციების გაყვანა და ტურისტული ინფრასტრუქტურის განვითარებისთვის სათანადო პირობების შექმნა.

მალთაყვის სანაპირო ზოლის კეთილმოწყობის პროექტის ღირებულება 18 500 508 ლარს შეადგენს.

2015-2016 წწ. სანაპირო ზოლის რეაბილიტაციისთვის 4 მილიონი ლარი დაიხარჯა,რომელიც საქართველოს რეგიონული განვითარების ფონდიდან გამოიყო.