ამპუტანტ ფეხბურთელთა გუნდ ''ოდიშის'' დაჯილდოება

საქართველოს ამპუტანტ ფეხბურთელთა ფედერაციის პრეზიდენტმა ამპუტანტ ფეხბურთელთა კლუბის „ოდიშის“ ფეხბურთელები და ხელმძღვანელობა თასითა და მედლებით დააჯილდოვა. ამპუტანტ ფეხბურთელთა ჩემპიონატში, რომელიც საქართველოს მასშტაბით ჩატარდა ზუგდიდის კლუბმა „ოდიშმა“ მესამე საპრიზო ადგილი დაიკავა.

შეხვედრაზე ფედერაციის პრეზიდენტმა ამპუტანტ ფეხბურთელთა მხარდაჭერის მნიშვნელობაზე და ამ მიმართულებით არსებულ საჭიროებებზე ისაუბრა. ასევე ხაზი გაესვა ადგილობრივი თვითმმართველობების ჩართულობის აუცილებლობას ამპუტანტ ფეხბურთელთა კლუბების განვითარებისა და პოპულარიზაციისთვის.

შეხვედრას სამეგრელო-ზემო სვანეთის გუბერნატორის ადმინისტრაციის რეგიონული პროექტების კოორდინირების სამსახურის უფროსი დათო კოდუა და ადგილობრივი ხელისუფლების წარმომადგენლები ესწრებოდნენ.