ახალი ამბები
გუბერნატორი კარატეში საქართველოს ჩემპიონატს დაესწრო
2016-11-28 12:57:00
სენაკის სპორტის სასახლეში კარატეში საქართველოს ჩემპიონატი გაიმართა, რომელსაც სამეგრელო-ზემო სვანეთის გუბერნატორი ლევან შონია, სენაკის მუნიციპალიტეტის გამგებელი გოჩა დგებუაძე, სამხარეო ადმინისტრაციისა და ადგილობრივი თვითმმართველობის წარმომადგენლები ესწრებოდნენ.
ჩემპიონატი ჩატარდა ახალგაზრდებში - კადეტებში, იუნიორებსა და ახალგაზრდა სენიორებში. შეჯიბრებაზე წარმოდგენილი იყო საქართველოს ყველა რეგიონიდან 150 ლიცენზირებული სპორტსმენი. ტურნირში გამარჯვებულები ჩაირიცხებიან კარატის ეროვნულ ნაკრებში და მონაწილეობას მიიღებენ თებერვალში გამართულ ევროპის ჩემპიონატში, ბულგარეთში.
აღსანიშნავია, რომ სენაკში პირველად ჩატარდა ასეთი მასშტაბური ღონისძიება, როგორიცაა საქართველოს ჩემპიონატი. 2020 წელს ტოკიოს ოლიმპიადის პროგრამას სპორტის 5 სახეობა დაემატა და მათ შორისაა კარატე.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
