მარტვილში გზის მშენებლობა დასრულდა

მარტვილში, თელი წოწორიას ქუჩისა და ქვაითის უბნის დამაკავშირებელი გზის მშენებლობა დასრულდა. პროექტის ფარგლებში ა/ბეტონის საფარით მოწყობის სამუშაოების პარალელურად გზის დამხმარე ნაგებობები მოეწყო.

აღსანიშნავია, რომ ამ გზის კეთილმოწყობის სამუშაოები პირველად ჩატარდა, წლების განმავლობაში ფაქტობრივად ტრანსპორტის მოძრაობა შეზღუდული იყო. გზის რეაბილიტაციის შემდეგ მოსახლეობა უსაფრთხოდ და კომფორტულად შეძლებს გადაადგილებას.

პროექტის ფარგლებში დაიგო 1 340 მეტრი გზა. პროექტის ღირებულებამ შეადგინა 226 000 ლარი. სამუშაოზე დასაქმებული იყო 40-მდე ადამიანი და 15 ერთეული ტექნიკა.