სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში - აბაშის, ზუგდიდის, მარტვილის, მესტიის,
სენაკის, ჩხოროწყუს, წალენჯიხის, ხობის მუნიციპალიტეტებსა და თვითმმართველ ქალაქ ფოთში

ზუგდიდიფოთიმარტვილიხობიწალენჯიხაჩხოროწყუაბაშასენაკიმესტიარეგიონის განვითარების სტრატეგია 2014-2021სამოქმედო გეგმაანგარიშები

სიახლეები

სოფელ ფახულანიდან სოფელ საბერიოდე მისასვლელი 4 კმ-იანი გზის რეაბილიტაცია დასრულდა

2016-03-25 11:50:00

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა წალენჯიხის მუნიციპალიტეტში შიდასახელმწიფოებრივი და სტრატეგიული მნიშვნელობის მქონე საავტომობილო გზის  რეაბილიტაცია დაასრულა. კერძოდ, რეაბილიტაცია ჩაუტარდა ფახულანის თემის ცენტრიდან სოფელ საბერიომდე მისასვლელ 4 კმ - იან გზას, რომელიც აფხაზეთის დეფაქტო რესპუბლიკის ადმინისტრაციულ საზღვართან  მდებარეობს.  პროექტი სახელმწიფო ბიუჯეტიდან დაფინანსდა და მისი ღირებულება 2,323,231.04 ლარია. რეაბილიტირებული გზა დღეს საქართველოს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ და წალენჯიხის მუნიციპალიტეტის გამგებლის მოადგილემ, გიორგი ლუკავამ  მოინახულეს.

აღნიშნული გზის რეაბილიტაციას სტრატეგიული მნიშვნელობა აქვს, ვინაიდან, აფხაზეთის არაღიარებული რესპუბლიკის ე.წ. საზღვართან ახლოს მდებარეობს, რომლითაც, ძირითადად, გალის მუნიციპალიტეტის სოფელ საბერიოში მცხოვრები მოსახლეობა და ამ სოფლის სკოლის მოსწავლეები სარგებლობენ. ისინი ფახულანის საჯარო სკოლაში, ქართულ ენაზე სწავლის მიზნით, ამ გზაზე ყოველდღიურად რამდენიმე კილომეტრს ფეხით გადიოდნენ. ამავე გზით სარგებლობს 3000-ზე მეტი ადგილობრივი და დევნილი  მოსახლე.

სამშენებლო სამუშაოები ობიექტზე 2015 წლის  მარტში დაიწყო და მიმდინარე წელს დასრულდა. სამუშაოებზე 60 ადამიანი იყო დასაქმებული და მათი 50 % ადგილობრივი მოსახლეა. აღნიშნული პროექტის განხორციელებამ გაამარტივა, წალენჯიხის მუნიციპალიტეტში, აფხაზეთთან ადმინისტრაციული საზღვრის გასწვრივ მდებარე სოფელ ფახულანში, საავტომობილო გადაადგილება და ხელი შეუწყო ოკუპირებული ტერიტორიიდან, კერძოდ, გალის რაიონიდან საქართველოს დანარჩენ ტერიტორიაზე მოსახლეობის მიმოსვლას.

პროექტის ფარგლებში, გზის რეაბილიტაციის გარდა, მოეწყო ხელოვნური ნაგებობები და, სარეაბილიტაციო გზის გასწვრივ, წყალსადენი ქსელი. 

 

ლაივ კამერაInvest in Samegrelo - Zemo Svanetiპროექტები

პროექტ–დაიჯესტი

ფოტო გალერეა

რეგიონის რუკა

რეგიონული რუკა

სიახლეების კალენდარი

< July 2020 >
MonTueWedThuFriSatSun
  12345
679101112
13141516171819
20212223242526
2728293031  

ბანერები

საქართველოს პრეზიდენტისაქართველოს პარლამენტისაქართველოს მთავრობარეგიონული განვითარებისა და ინფრასტრუქტურის სამინისტრო