ახალი ამბები
სახელმწიფო რწმუნებული ლტოლვილთა დანიის საბჭოს საქართველოს წარმომადგენლობის დირექტორს შეხვდა
2022-02-17 19:59:00
სამეგრელო-ზემო სვანეთის სახელმწიფო რწმუნებული გიორგი გუგუჩია, პირველ მოადგილესთან ნინო ვიბლიანთან ერთად ლტოლვილთა დანიის საბჭოს საქართველოს წარმომადგენლობის დირექტორს ვინსენტ დონტოს და დანიის ლტოლვილთა საბჭოს დასავლეთ საქართველოს სამხარეო მენეჯერს მზევინარ ჯოჯუას შეხვდა.
შეხვედრაზე რეგიონის მასშტაბით განხრციელებულ, მიმდინარე პროექტებზე და სამომავლო გეგმებზე ისაუბრეს. სახელმწიფო რწმუნებულმა ვინსენტ დონტოს საბავშვო ბაღის მშენებლობის, დევნილი ოჯახების საცხოვრებელი სახლებით უზრუნველყოფისა და სათემო ინფრასტრუქტურის რეაბილიტაციის პროექტის განხორციელებისთვის მადლობა გადაუხადა.
მხარეებმა სამომავლოდ პროფესიული განათლების განვითარების და რეგიონში არსებული პროფესიული სასწავლებების ხელშეწყობის პროექტებზე ისაუბრეს.
დანიის ლტოლვილთა საბჭო დევნილი ოჯახებისთვის კერძო სახლებს მათივე საკუთრებაში არსებულ მიწის ნაკვეთებზე აშენებს. სამეგრელო-ზემო სვანეთის რეგიონში 60-მდე სახლის მშენებლობა მოხდება, მათი ნაწილი უკვე დასრულებულია, ნაწილი მშენებლობის პროცესშია, ნაწილზე კი მშენებლობის ტენდერი დასრულებულია და უახლოეს პერიოდში სამშენებლო სამუშაოები დაიწყება. პროექტის ფინანსური მხარდამჭერი გერმანიის განვითარების ბანკია (KfW).
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
