სახელმწიფო რწმუნებულის - გუბერნატორის ადმინისტრაცია

საქართველოს ადმინისტრაციულ-ტერიტორიულ ერთეულებში - აბაშის, ზუგდიდის, მარტვილის, მესტიის,
სენაკის, ჩხოროწყუს, წალენჯიხის, ხობის მუნიციპალიტეტებსა და თვითმმართველ ქალაქ ფოთში

ზუგდიდიფოთიმარტვილიხობიწალენჯიხაჩხოროწყუაბაშასენაკიმესტიარეგიონის განვითარების სტრატეგია 2014-2021სამოქმედო გეგმაანგარიშები

სიახლეები

ზუგდიდის ცენტრალური სტადიონის მშენებლობის მეორე ეტაპი იწყება

2018-03-21 15:07:00
ზუგდიდში ცენტრალური სტადიონის მეორე ეტაპის სამუშაოებზე ტენდერი გამოცხადდება, მანამდე კი საქართველოს ფეხბურთის ფედერაციის წარმომადგენლებს სამხარეო ადმინისტრაციის და ზუგდიდის მერიის წარმომადგენლები შეხვდნენ. 

რამდენიმე დღის წინ, სამეგრელო-ზემო სვანეთის გუბერნატორთან და ზუგდიდის მერთან ერთად სტადიონი ადგილზე დაათვალიერა ფედერაციის პრეზიდენტმა ლევან კობიაშვილმა.

სამხარეო ადმინისტრაციის შენობაში, დღეს შეხვედრა სფფ-ს სტადიონების განყოფილების უფროსთან მამუკა კვარაცხელიასთან შედგა, სადაც სტადიონის მშენებლობის მეორე ეტაპის სამუშაოები დეტალურად განიხილეს. შეხვედრას გუბერნატორის მოადგილე დავით კოდუა, ზუგდიდის საკრებულოს თავმჯდომარე მამუკა წოწერია და მერიის შესაბამისი სამსახურების წარმომადგენლები ესწრებოდნენ.

მეორე ეტაპი - გადახურვის, განათების, ვენტილაციის სამუშაოებს და თანამედროვე სტანდარტების ტაბლოს მონტაჟს გულისხმობს. 

ტენდერი სტადიონის მეორე ეტაპის საპროექტო სამუშაოებზე უახლოეს დღეებში, მას შემდეგ გამოცხადდება, რაც ფეხბურთის ფედერაცია რეკომენდაციით მერიას ოფიციალურად მიმართავს. 

"ადგილზე სკურპულოზური დათვალიერების შემდეგ პირადად გავზომე ყველა პარამეტრი. მინდა მოგახსენოთ, რომ ზუგდიდის სტადიონი ზოგ პარამეტრში გადააჭარბებს კიდეც მესამე კატეგორიის მოთხოვნებს, მაგალითად თუ მესამე კატეგორიის სტადიონზე მინიმალური რაოდენობა მაყურებლებისა არის 4 500 კაცი, აქ 7 000-ზე მეტი დაეტევა, მინდვრის სიგრძე სიგანე - 105-68 იქნება, 200-ს გადააჭარბებს საპატიო სტუმართა ლოჟაში სკამების რაოდენობა, იქნება ჟურნალისტთა კეთილმოწყობილი ლოჟა, მათთვის ბრწყინვალე სამუშაო პირობები, ბუფეტი, ასევე კომენტატორთა ადგილები, მყუდრო საპრესკონფერენციო, შერეული ზონა. მცირე კორექტურის შემდეგ, მაყურებელი ყველა ადგილიდან დაინახავს სათამაშო მინდორს, მათთვის მნიშვნელოვანი ჰიგიენისა თუ ჯანმრთელობის დაცვის (სამედიცინო ოთახები) საკითხები ნორმაზე მეტად იქნება დაცული, ძალიან კარგადაა ნაფიქრი საჭიროების შემთხევევაში სტადიონის სწრაფად დაცლის საკითხიც. მეორე ეტაპის სამუშაოების შემდეგ გადახურულ სტადიონზე იქნება საკმაოდ კარგი ხარისხის ელექტროტაბლო. ალბად იცით, რომ უეფამ წელს, სულ მცირე ხნის წინ მესამე კატეგორიის სტადიონზე აუცილებელი გახადა ტურიკეტების დამონტაჟება და სტადიონის უსაფრთხოების საგანგებო კონცეფცია (სათვალთვალო კამერები, უსაფრთოების ოთახი და აშ), მეორე ეტაპზე ამასაც გაითვალისწინებენ. მოკლედ, ის მცირე გადახრები, რასაც მშენებლობის პროცესში ადგილი ჰქონდა მალევე გამოსწორდება და ზუგდიდელებთან ერთად მეც დავტკბები თქვენი სტადიონის სილამაზით!

არ შემიძლია არ აღვნიშნო, რომ მსოფლიოში ყველა კლუბი საკუთარ ენაზე აწერს სტადონს სახელს და ჩვენში რატომღაც ამის უგულებელყოფა ხდებოდა. ზუგდიდის სტადიონი თუ არ ვცდები ერთადერთი ახალი სტადიონია საქართველოში, სადაც ჩვენს მშობლიურ, ქართულ ენაზე აწერია - ზუგდიდი!" - განაცხადა შეხვედრაზე ფეხბურთის ფედერაციის სტადიონების განყოფილების უფროსმა და "უეფას" მედიაოფიცერმა მამუკა კვარაცხელიამ.

ზუგდიდის ცენტრალური სტადიონის მეორე ეტაპის სამუშაოების დასრულების შემდეგ ქალაქს "უეფას" სტანდარტების მესამე კატეგორიის სტადიონი ექნება.

 

 

ლაივ კამერაInvest in Samegrelo - Zemo Svanetiპროექტები

პროექტ–დაიჯესტი

ფოტო გალერეა

რეგიონის რუკა

რეგიონული რუკა

სიახლეების კალენდარი

< May 2018 >
MonTueWedThuFriSatSun
 123456
78910111213
14151617181920
212223242527
28293031   

ბანერები

საქართველოს პრეზიდენტისაქართველოს პარლამენტისაქართველოს მთავრობარეგიონული განვითარებისა და ინფრასტრუქტურის სამინისტრო