ახალი ამბები
ხობის მუნიციპალიტეტის ყულევის, შუა ხორგის და ქარიატის ადმინისტრაციულ ერთეულებს წყლის პრობლემა მოეხსნებათ
ხობის მუნიციპალიტეტის ყულევის, შუა ხორგის და ქარიატის ადმინისტრაციულ ერთეულებში წყალსადენი სისტემის მშენებლობა დაიწყო. პროექტი ორ ეტაპად განხორციელდება და მისი ღირებულება 920 ათას ლარს შეადგენს.
სამშენებლო სამუშაოების დასრულების შემდეგ 2000-ზე მეტი მოსახლე სასმელ წყალს მიიღებს.
მაგისტრალის სიგრძე 34 კილომეტრია. სამუშაოების პირველი ეტაპი 2018 წლის 20 მარტამდე დასრულდება.
პროექტის განხორციელებით მოსახლეობისათვის სასიცოცხლოდ მნიშვნელოვანი საკითხი მოგვარდება. ყულევის ადმინისტრაციულ ერთეულში წყალი სასმელად გამოუსადეგარია და მცხოვრებლებს სასმელი წყალი, დღემდე ცისტერნების მეშვეობით მიეწოდებათ.
ყულევში მიმდინარე სამუშაოები ხობის მერმა, საკრებულოს თავმჯდომარემ, მაჟორიტარმა დეპუტატმა და სამეგრელო-ზემო სვანეთის გუბერნატორის ადმინისტრაციის რეგიონული პროექტების კოორდინირების სამსახურის უფროსმა დაათვალიერეს.
სამუშაო რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
