მეიქათონში გამარჯვებულების დაჯილდოება

ზუგდიდის ტექნოპარკში მეიქათონის გამარჯვებულები დააჯილდოეს. სამდღიან მეიქათონში მონაწილეობა მთელი საქართველოდან შერჩეულმა 8 გუნდმა მიიღო. რომლებმაც საახალწლო ინსტალაციები წარმოადგინეს. მეიქათონის მთავარი მიზანია ხელი შეუწყოს საქართველოში გუნდების ჩამოყალიბებას, რომლებიც უფრო მეტ ინოვაციურ და კრეატიულ პროექტს განახორციელებენ.

გამარჯვებულები სპეციალურმა ჟიურიმ გამოავლინა, რომლის შემადგენლობაშიც სამეგრელო-ზემო სვანეთის გუბერნატორის ადმინსიტრაციის რეგიონული პროექტების კოორდინირების სამსახურის უფროსი დათო კოდუა და ამავე სამსახურის თანამშრომელი ლალო ჯანჯღავა შედიოდნენ.

პირველ, მეორე და მესამე ადგილზე გასულმა გუნდებმა 1000, 500 და 300 ლარი მიიღეს.