სენაკის მუნიციპალიტეტში ჭავჭავაძის ქუჩის რეაბილიტაცია მიმდინარეობს

სენაკის მუნიციპალიტეტში სრულდება ჭავჭავაძის ქუჩის (სიგრძე 1081 მ,განი 12,4 მ) რეაბილიტაციის პირველი ეტაპი. პროექტი, რომელიც „რეგიონალური განვითარების ფონდის“ დაფინანსებით მიმდინარეობს, ითვალისწინებს ქუჩის ასფალტირებას, ბორდიურებისა და კიუვეტების მოწყობას. პროექტის ფარგლებში 4 მეტრით გაფართოვდა ამავე ქუჩაზე მდებარე 2 ხიდი. გზის რეაბილიტაცია 2014 წლის მაისში დაიწყო და რამდენიმე დღეში დასრულდება. პროექტის ღირებულება 500 000 ლარს შეადგენს. სამუშაოებს „სს არქეოპოლისი“ ახორციელებს.