ახალი ამბები
ფოთში ძლიერმა წვიმამ პრობლემები შექმნა
უხვმა ნალექმა ფოთში რამდენიმე ქუჩის დატბორვა გამოიწვია, წყალი საცხოვრებელი სახლების პირველ სართულებზეც შევიდა. ელექტრო ენერგიის გადამცემ სადგურზე შექმნილი ავარიის გამო ელექტრო ენერგიის მიწოდება შეუწყდა ქალაქს, რამაც სატუმბი სადგურების მუშაობის შეფერხება გამოიწვია.
ფოთში ელექტრო ენერგიის აღდგენითი სამუშაოები მთელი ღამის განმავლობაში მიმდინარეობდა, ამჟამად ყველა სატუმბი სადგური გამართულად მუშაობს, პრობლემების შექმნიდან ადგილზე იმყოფებოდნენ მერიის შესაბამისი სამსახურები.
შექმნილ ვითარებს ადგილზე გაეცნო სამეგრელო-ზემო სვანეთის გუბერნატორის მოავალეობის შემსრულებელი კობა ქანთარია. მან ადგილობრივ ხელისუფლებასთან ერთად დაზარალებული ოჯახები მოინახულა.
ფოთის მერიაში შეიქმნა კომისია, რომელიც ზარალის რაოდენობას ითვლის და ცალკეულ უბნებზე არსებულ ვითარებას სწავლობს. დღესვე ფოთის მერიაში თათბირი გაიმართა, სადაც სტიქიის სალიკვიდაციო სამუშაოებზე იმსჯელეს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
