სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში - აბაშის, ზუგდიდის, მარტვილის, მესტიის,
სენაკის, ჩხოროწყუს, წალენჯიხის, ხობის მუნიციპალიტეტებსა და თვითმმართველ ქალაქ ფოთში

ზუგდიდიფოთიმარტვილიხობიწალენჯიხაჩხოროწყუაბაშასენაკიმესტიარეგიონის განვითარების სტრატეგია 2014-2021სამოქმედო გეგმაანგარიშები

სიახლეები

დიდი ბრიტანეთის საპარლამენტო დელეგაცია სამეგრელოს სტუმრობდა

2018-05-30 11:26:00

დიდი ბრიტანეთის საპარლამენტო მეგობრობის ჯგუფის დელეგაცია საქართველოში ვიზიტის ფარგლებში, სამეგრელოში იმყოფებოდა. დელეგაციას სამეგრელო-ზემო სვანეთის გუბერნატორმა, მოადგილესთან, ზუგდიდის მერთან და საკრებულოს თავმჯდომარესთან ერთად უმასპინძლა. 

რეგიონის გუბერნატორმა, დიდი ბრიტანეთის ლორდთა და თემთა პალატის წევრებს, დიდი ბრიტანეთისა და ჩრდილო ირლანდიის გაერთიანებულ სამეფოში საქართველოს საგანგებო და სრულუფლებიან ელჩს, თამარ ბერუჩაშვილს დადიანების სასახლეთა ისტორიულ-არქიტექტურულ მუზეუმში მეგზურობა გაუწია. 

ვიზიტის ფარგლებში საპარლამენტო მეგობრობის ჯგუფის დელეგაცია ზუგდიდის ტექნოპარკს სტუმრობდა, სადაც ტექნოპარკის პროექტებს და "ფაბ ლაბში" მიმდინარე სამუშაოებს გაეცნენ. 

საქმიან ვახშამზე ლევან შონიამ დიდი ბრიტანეთის საპარლამენტო მეგობრობის ჯგუფის წევრებს, სამეგრელო-ზემო სვანეთის რეგიონის პოტენციალი გააცნო და რეგიონში მიმდინარე მსხვილ პროექტებზე ისაურა. ლევან შონიამ ყურადღება გაამახვილა ანაკლიის ღრმაწყლოვან პორტზე და მის მნიშვნელობაზე. 

25-31 მაისს დიდი ბრიტანეთის საპარლამენტო მეგობრობის ჯგუფის დელეგაცია უორდროპის სტრატეგიული დიალოგის ფარგლებში, საპარლამენტო ორმხრივ ვიზიტს საქართველოში მართავს. დელეგაციის წევრები 29 მაისს, ევროკავშირის სადამკვირვებლო მისიის ზუგდიდის ოფისის წარმომადგენლებთან ერთად გამყოფ ხაზთან არსებულ ვითარებას გაეცნენ. 

დიდი ბრიტანეთის საპარლამენტო მეგობრობის ჯგუფის დელეგაციამ მონაწილეობა მიიღო საქართველოს პირველი დემოკრატიული რესპუბლიკის დაარსების 100 წლის იუბილისადმი მიძღვნილ ღონისძიებებში. ვიზიტის ფარგლებში სხვადასხვა შეხვედრები გაიმართა, დელეგაცია საქართველოს 31 მაისს დატოვებს. 

საპარლამენტო მეგობრობის ჯგუფის დელეგაციას საგარეო ურთიერთობათა კომიტეტის თავმჯდომარე და დიდი ბრიტანეთის მეგობრობის ჯგუფის ხელმძღვანელი, სოფიო ქაცარავა მასპინძლობს.

 

ლაივ კამერაInvest in Samegrelo - Zemo Svanetiპროექტები

პროექტ–დაიჯესტი

ფოტო გალერეა

რეგიონის რუკა

რეგიონული რუკა

სიახლეების კალენდარი

< January 2019 >
MonTueWedThuFriSatSun
 123456
78910111213
141516171819
21222324252627
28293031   

ბანერები

საქართველოს პრეზიდენტისაქართველოს პარლამენტისაქართველოს მთავრობარეგიონული განვითარებისა და ინფრასტრუქტურის სამინისტრო