ახალი ამბები
სამეგრელოში ფაროსანას მონიტორინგის სისტემის დამონტაჟება მიმდინარეობს
დასავლეთ საქართველოში აზიური ფაროსანას მონიტორინგის სისტემის დამონტაჟება მიმდინარეობს
დასავლეთ საქართველოში გავრცელებული მცენარეთა მავნებლის - აზიური ფაროსანას საწინააღმდეგო ღონისძიებები აქტიურ ფაზაში შედის. მავნებლის დამჭერი ფერომონიანი ხაფანგების დამონტაჟება ხობის, სენაკის, აბაშისა და მარტვილის მუნიციპალიტეტებში დასრულებულია. კერძოდ, ხობში - 497, სენაკში - 436, აბაშაში - 199, მარტვილში 1287 ფერომონია დამონტაჟებული. მონიტორინგის სისტემის დამონტაჟება გრძელდება სამეგრელოს დანარჩენ მუნიციპალიტეტებში.
ფერომონების განთავსება მონიტორინგის მიზნით დაიწყო, რათა დროულად დადგინდეს მავნებლის გავრცელების არეალი. მონიტორინგის შედეგების მიხედვით დაიგეგმება ქიმიური წამლობა.
სურსათის ეროვნული სააგენტო სასოფლო-სამურნეო კულტურების ახალი ინვაზიური მავნებლის - აზიური ფაროსანას საწინააღმდეგო ღონისძიებებს აშშ-ს საერთაშორისო განვითარების სააგენტოს (USAID) საქართველოს სასოფლო-სამეურნეო წარმოების ეფექტიანობის აღდგენის პროექტის (REAP) მხარდაჭერით ახორციელებს.
აზიური ფაროსანა დასავლეთ საქართველოში 2015 წელს დაფიქსირდა და 2016 წელს გავრცელდა. მავნებელმა მნიშვნელოვანი ზიანი მიაყენა მეთხილეობის დარგს. მავნებელი, თხილის გარდა, აზიანებს თითქმის ყველა სახის სასოფლო-სამეურნეო კულტურას.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
