ახალი ამბები
ზუგდიდში საქართველოს კონსტიტუციური კანონის პროექტის საყოველთაო-სახალხო განხილვა გაიმართა
საქართველოს კონსტიტუციაში ცვლილების შეტანის შესახებ, საქართველოს კონსტიტუციური კანონის პროექტის საყოველთაო-სახალხო განხილვის საორგანიზაციო კომისიის წევრებმა დღეს შეხვედრა ზუგდიდში, სამეგრელო-ზემო სვანეთის მოსახლეობასთან გამართეს.
პარლამენტის თავმჯდომარემ შეკრებილ საზოგადოებას ქვეყნის უპირველესი კანონის პროექტის განხილვის პროცესში მონაწილეობისათვის მადლობა გადაუხადა და სახელმწიფო საკონსტიტუციო კომისიის 4 - თვიანი მუშაობის შედეგი გააცნო. მან დეტალურად ისაუბრა იმ ფუნდამენტურ ცვლილებებზე, რომლებიც კონსტიტუციის ახალი რედაქციის პროექტში არის წარმოდგენილი.
„ოთხი თვის განმავლობაში მუშაობდა კომისია. ეს იყო ნამდვილად, დაუღალავი შრომა და ამ სამუშაოში აქტიურად იყვნენ ჩართული როგორც საპარლამენტო, ისე არასაპარლამენტო პოლიტიკური პარტიები, არასამთავრობო ორგანიზაციები, ექსპერტები, სხვადასხვა კონსტიტუციური ორგანოების წარმომადგენლები. ამ სამუშაოს შედეგად, მომზადდა ახალი დოკუმენტი. ეს არის კონსტიტუციის გადასინჯვის კანონის პროექტი და ეს არის კონსტიტუციური კანონი აჭარის ავტონომიური რესპუბლიკის შესახებ,“ - განაცხადა ირაკლი კობახიძემ.
შეხვედრას ადგილობრივ მოსახლეობასთან ერთად, სამეგრელო-ზემო სვანეთის გუბერნატორი ლევან შონია ესწრებოდა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
