სურსათის ეროვნული სააგენტოს წარმომადგენლებთან შეხვედრა გაიმართა

სამეგრელო-ზემო სვანეთიში სახლმწიფო რწმუნებულის - გუბერნატორის ადმინისტრაციაში, რეგიონში ცხოველთა იდენტიფიკაცია-რეგისტრაციის საკითხზე სამუშაო შეხვედრა გაიმართა.

შეხვედრას, რეგიონული პროექტების კოორდინირების სამსახურის უფროსი ნუგზარ გაბელია, სოფლის მეურნეობის სამინისტროს სურსათის ეროვნული სააგენტოს უფროსის მრჩეველი, FAO-ს კოორდინატორი საქართველოში მიხეილ სოხაძე, სურსათის ეროვნული სააგენტოს ცხოველთა იდენტიფიკაცია-რეგისტრაციის დეპარტამენტის უფროსი ზვიად ასანივილი და სურსათის ეროვნული სააგენტოს სამეგრელო-ზემო სვანეთის რეგიონული სამმართველოს უფროსი, მარიკა გულუა ესწრებოდნენ.

შეხვედრაზე მხარეებმა რეგიონში ცხოველთა იდენტიფიკაცია-რეგისტრაციის საკითხზე იმსჯელეს და აღნიშნულზე თანამშრომლობის პერსპექტივები და სამომავლო გეგმები დასახეს.